Rebekka Rós

Var að átta mig á að það er bara eftir mánuður af skólanum! Alveg ótrúlegt hvað tíminn líður hratt, maður verður orðinn gamall áður en maður veit af Ég er samt farin að þrá að komast í frí frá verkefnum og ritgerðum og verð óóótrúlega fegin þegar sumarið kemur Ég fæ líka alveg heilar 4 vikur í sumarfrí sem er bara það lengsta sem ég hef fengið á ævinni hehe Við Bergur ætlum að kíkja vestur á ættarmót í júní, svo er annað ættarmót í júlí sem við ætlum líka á og svo ætlum við að reyna að vera dugleg að fara í útilegur

Núna 10 apríl eru komnir 5 mánuðir síðan við Bergur byrjuðum að búa, finnst það samt ekki nærri því það langur tími!!

Annars gengur mér bara rosalega vel í skólanum, allavega enn sem komið er Er búin að fá 9 fyrir eina ritgerð, svo er ég í tölfræðiáfanga og er búin að taka eitt próf sem ég fékk 6,8 í og skila einu verkefni sem ég fékk 6 fyrir, er eiginlega bara sátt við að ná Prófið var nefnilega á þriðjudeginum eftir að afi dó þannig að ég náði ekki að læra neitt voðalega mikið og er því bara mjöööög sátt við þessa einkunn, ætli afi hafi ekki setið við hliðina á mér í prófinu

Mars hefur verið alveg ótrúlega erfiður mánuður, hef átt soldið erfitt með allt einhvern veginn. En ég vona bara að apríl komi með betri daga

Kv. RRR

Jæja, við erum loksins komin heim úr námsferð á Akureyri og mikið er nú gott að vera komin heim til sín Við ákváðum að fara degi fyrr heim, það er ekkert gaman að vera þarna í öllum snjónum og slabbinu! Þarf að fara tvisvar sinnum í viðbót á þessarri önn en ég hugsa að ég fljúgi næst, það fer svo óheyrilegur tími í að keyra :/ Þá fæ ég kannski að dvelja hjá Svanna frænda, þarf að spyrja hann samt fyrst hehe Það var sko svindlað tvisvar sinnum á mér á þessum stað, fyrst var ég látin borga tvöfalt verð í Tiger, fattaði það sem betur fer stuttu seinna! Og svo í dag þá var ég látin borga 1500 kr meira fyrir skólabækur en þær áttu að kosta og ég var komin út úr bænum þegar ég fattaði það

Annars er bara allt gott að frétta Ég á afmæli eftir 8 daga Og Ásthildur frænka á afmæli eftir 1 klst og 10 mínútur Til hamingju með afmælið Gilitrutt

Ég er búin að vera rosalega löt að blogga en hinsvegar er ég mjög dugleg að hanga á facebook hehe Þarf að vera duglegri við allt annað en það

Bið bara að heilsa í bili

Já, það er komið alveg heilt ár frá því við Bergur byrjuðum saman

Við kynntumst semsagt í gegnum facebook á Þorláksmessu 2007, fórum á fyrsta stefnumótið annan í jólum og vorum byrjuð saman 4. janúar 2008, ekki lengi að gerast

Þetta verður bara lítil færsla í dag, það er allt gott að frétta af okkur hérna í Erluásnum

Hafið það gott

Bæjó

Jæja, þá eru jólin gengin í garð og mikið er nú gott að vera komin í smá frí frá hversdagsleikanum Ég stóð í jólastússi fram á síðustu stundu vegna þess að ég átti eftir að kaupa jólagjöf handa honum Bergi mínum Það endaði með að ég fór bara í rúmfó og keypti hægindastól handa kallinum og verslaði smá jólaskraut í leiðinni

Ég var með familíunni út í grindó hjá Sæu systur í gærkvöldi og Bergur var með fjölskyldunni sinni Svo eftir að við vorum búin að opna pakkana þá brunuðum við heim til m&p að sækja stólinn til að koma honum heim til mín áður en Bergur kæmi heim hehe Við vorum nefnilega búin að ákveða að opna gjafirnar frá hvort öðru heima og líka þær sem voru stílaðar á okkur bæði Bergur fattaði strax hvað gjöfin hans var hehe en ég hélt að gjöfin frá honum væri kannski inneign í smáralindina eða eitthvað álíka… en svo var hann bara búinn að kaupa uppþvottavél handa mér Við sækjum hana á laugardaginn og þá þarf ég ALDREI að vaska upp aftur!! Jess! Svo fékk ég líka hálsmen og eyrnalokka frá honum Annars fengum við fullt af flottum gjöfum, Snæi gaf okkur pönnuna sem okkur vantaði svo Við fengum:

Ýkt sæta brauðrist frá Sæu og Hirti

Töfrasprota og hraðsuðuketil frá mömmu og pabba

Mismunandi stór ílát frá Steina og Binnu

Jólakökuspaða frá mömmu og pabba Bergs

og margt fleira

Svo fékk ég auðvitað ein frá vinkonum og vinnunni:

Bleik kærleiksbjarnanáttföt frá Ásthildi

Geisladisk frá Aldísi

Blátt hjartajólaskraut frá Sollu

Ýkt flottan trefil frá mömmu hans Bergs

Geggjaða!! peysu úr íslenskri ull frá vinnunni

Svo fékk ég heimatilbúna uppskriftabók frá Sæu með uppskriftum sem hún skrifaði fyrir mig og svo get ég bætt við í bókina

En jæja, við Bergur erum að fara í afmæli út í Grindó og svo í mat til Elsu ömmu

Bæjó og gleðileg jól

Jæja, þá er ég búin að fá allar einkunnirnar mínar, fékk 7, 8, 9 og 9.5 Og ég er búin að fá stundatöfluna fyrir næstu önn og ég verð í skólanum alla daga nema miðgudaga og fer þrisvar sinnum norður sem minnir mig á það, þarf að fara að panta flug!

Ég er bara búin að vera löt í “fríinu” mínu… Bergur keypti flakkara um daginn og við erum með helling af þáttum og myndum, ég var að byrja að horfa á fyrstu seríuna af Gossip Girl og ég hugsa að ég verði bara í því öll jólin

Um daginn gerði ég misheppnaða tilraun til að elda, ætlaði að búa til pizzu eeeen það fór ekki vel Ætlaði nefnilega að gera hálfa uppskrift af deiginu en svo gleymdi ég því stundum þannig að það var ekki rétt magn af öllu hehe Þannig að við Bergur enduðum í mat hjá mömmu hehe, en ég bjó svo til dýrindis kanilsnúða úr deiginu, þeir voru reyndar svolítið öðruvísi en góðir samt

Jæja, ég ætla að röllta í jólaþorpið með Sæu, Walla og Sjönu

Gleðileg jól, hó hó hó :) 

Jább, ég var að stofna svona lítinn vinahóp sem inniheldur mig og Berg, mömmu og pabba og Sæu og Hjört. Við ætlum að hittast og hafa mega gaman nokkrum sinnum á ári, enda erum við einn af þessum litlu vinahópum Við ætlum samt ekki að skilja neinn útundan því við erum ekki þannig vinir… Við ætlum til dæmis að hafa jólaföndur eftir próf, það verður mega gaman, er nefnilega búin að kaupa fullt af föndri, svona skrapp dæmi Svo ætlum við líka að baka piparkökur saman og skreyta Svo verður auðvitað spilakvöld líka, vantar bara dagsetningu á það

Jájá, þannig er það nú gott fólk… Ég fer í mitt fyrsta og eina próf á fimmtudaginn svo er ég bara komin í jólafrí híhí Mega stuð Þá get ég farið að plana hitting fyrir litla vinahópinn minn

Eigið góða daga

Var að finna myndavélina mína, hún var full af myndum frá því í sumar hehe Ákvað að skella einni hérna inn, set svo hinar í albúm hérna til hliðar við tækifæri

Já, við fluttum inn á mánudaginn, erum búin að gista 3 nætur og ég held að ég hafi bara sjaldan sofið jafn vel Ég vakna aldrei við vekjaraklukkuna og þegar Bergur segir mér að klukkan sé búin að hringja þá held ég alltaf að hann sé að plata mig

Það er orðið rosalega kósý hjá okkur, fengum gefins hornsófa frá frænda hans Bergs þannig að það er eitthvað í stofunni hjá okkur hehe Við keyptum okkur líka sófaborð og sjónvarpsborð í IKEA sem er rosa flott Í næsta mánuði ætlum við svo að kaupa borðstofuborð svo við getum haldið matarboð og spilakvöld og sonna híhí

Mér finnst samt voðalega leiðinlegt að vera flutt að heiman, kannski fæ ég ekki að hitta mömmu á hverjum degi En sem betur fer er ég ennþá í Hafnarfirði, ég hefði ekki meikað að vera lengra í burtu Svo er reyndar ekki langt að labba til mömmu og pabba, bara niður áslandsbrekkuna og niður og niður og þá er ég komin Svo býr Ása mín og Solla rétt hjá, það er mjög gaman Ég er komin með svo mikið ógeð af að taka upp úr töskum og raða og flytja ohh, ég hugsa að ég eigi aldrei eftir að flytja aftur! Þvílíkt leiðinlegt!

Já, datt í hug að setja inn smá jólagjafalista hérna, jólin eru nefnilega alveg að koma og best að ljúka jólainnkaupunum sem fyrst áður en allt fer til fjandans Þetta er svona það sem okkur vantar eins og er, gæti örugglega bætt helling við listann en man ekki meira akkurat núna

Kökuform, Hraðsuðuketill, Mixer, Töfrasproti, Brauðrist, Bökunarplötur, Uppskriftabækur, Hnífasett, Ílát, Viskustykki, Ausur, Hitabrúsi, Skurðarbretti, Stórt sigti
Hitaplattar

En meiri fréttir seinna, bæjó

Við Bergur fórum semsagt að skoða 97fm, 3 herbergja íbúð upp í Áslandi í gær, vorum búin að skoða nokkrar áður sem okkur leist ekkert á, en þessi var geggjuð!! Leigumaðurinn sagði að það væru margir sem vildu leigja hana, hann þyrfti bara að velja úr og ætlaði að hringja í þá sem hann vildi leigja íbúðina fyrir kl 17 í dag og viti menn, hann hringdi í okkur

Við Bergur minn erum semsagt að fara að búa saman í þessari æðislegu íbúð hehehe Mamma ætlar að gefa okkur þvottavél og Sæa ætlar að gefa okkur potta og pönnu, þurfum bara að fá okkur þetta stóra í stofuna og svo auðvitað ostaskera því hann er mjög mikilvægur á hverju heimili!

Spennandi tímar framundan

Vá hvað tíminn líður hratt!! Það er kominn nóvember og á morgun erum við Bergur búin að vera saman í 10 mánuði Bráðum ár !! Og það er bara mánuður eftir af skólanum Ég er að byrja í áfanga núna á miðvikudaginn þannig að það verður svolítið mikið að gera í nóvember en það er bara fínt, gott að hafa mikið að gera

Ég var að fá tvær einkunnir í dag fyrir ritgerðir, fékk 8.0 fyrir aðra og 8.2 fyrir hina, nokkuð gott Þá er ég búin að fá þrjár 8 og tvær 9 …

Úúú, bráðum koma jólin og hann Bergur minn ætlar að bjóða mér á jólatónleikana með Björgvini Halldórssyni híhí Hlakka til

Jæja, bara smá fréttir, maður er svo lítið úti nú til dags hehe

Bæjó