Rebekka Rós

Ég er búin að vera að reyna að finna tíma til að blogga í viku!! úff :(  Ég hef svo margt að segja og svo man ég örugglega ekki helminginn af því :S  hehe

Byrjum á ballinu, sem var fyrir lööööngu en ég átti alltaf eftir að segja frá því! hehe Við Bergur ákváðum ekki að fara fyrr en við vorum komin á ballið hehehe Ég hafði samt farið í ríkið til vonar og vara og svo ætluðum við bara að sjá til Aldís kom í heimsókn og við kíktum svo í partý til Sigmars frænda og þar var bara geggjað gaman. Við fórum á ballið og ég held að ég hafi bara aldrei farið á svona skemmtilegt ball!! Við dönsuðum svo mikið og það var svoooo gaman að þið trúið því ekki Daginn eftir var ég með smá höfuðverk og dauðþreytt í öllum líkamanum eftir allan dansinn og Bergur fór og keypti pizzu með extra extra osti híhí

Það er búið að vera brjálað mikið að gera í skólanum, var að skila 16 bls. ritgerð í gær, þetta var hópverkefni og við hittumst á sunnudaginn til að klára og lærðum frá 10-23!! Shjett hvað ég var þreytt daginn eftir!

Núna er bara að skila annarri ritgerð fyrir föstudaginn og svo er bara mega tjill á næstu helgi Ætla kannski að kíkja á ball hjá Dýrfirðingafélaginu

Já, ég er að bíða eftir að fá eitt verkefnið í íslensku sent til baka, hlakka til að sjá tíuna sem ég fæ

Þá er þetta komið, þó ég sé að gleyma helmingnum

Bæjó í bili

Vissuð þið að alltaf þegar e-r býður ykkur valkosti og þið segið “mér er alveg sama” þá eruð þið að gefa öðrum leyfi til að taka ákvarðanir fyrir ykkur! Eins og í vinnunni, þegar ég er spurð hvort ég vilji frekar fara með börnunum inní herbergi að leika eða taka til eftir kaffið, og ég segi að mér sé alveg sama þó að mig langi ekkert að taka til eftir kaffið…!! En núna er ég byrjuð að taka mínar eigin ákvarðanir Og ef ég segi að mér sé alveg sama þá er mér bara virkilega alveg sama!!

Þessi færsla verður ekki lengri í dag þar sem að ég hef ekkert meira að segja

Bæjó

Það var bjartur dagur í Hafnarfirði í gær þegar FH varð íslandsmeistari í fótbolta 2008 Við Ásthildur mættum á leikinn þegar 15 mínútur voru eftir, þá var staðan 1-0 fyrir FH og jafntefli útí Keflavík. Stuttu seinna skoraði Fram útí Keflavík og FH skoraði annað markið sitt og tryggði sér þar með bikarinn Við Snæi og Andri kíktum á Fjörkrána í gær þar sem meistararnir voru að fagna og þar var mikil gleði og alveg stappað af fólki

Svo er það bara meistaraballið krakkar mínir Held að það sé á næstu helgi og orðið á götunni er að Brimkló eigi að spila og að ballið verði ekki í Kaplakrika þetta árið heldur í íþróttahúsinu á strandgötu

Ég skellti mér á skrall í gær til hennar Ásthildar frænku, það var mjög gaman, absenth drykkja og læti hehe Held að stelpurnar séu soldið þunnar í dag, en ekki litli engillinn hún Rebekka híhí

Annars á ég að vera að læra, er eitthvað löt þessa helgi :S

Heyrumst gott fólk, bæjó

Ég er soldið pirruð núna, er að reyna að ákveða hvað ég á að gefa börnunum að borða, var búin að ákveða að hafa grjónagraut en þá borðar Lilja ekki svoleiðis, þá ætlaði ég að hafa makkarónugraut en Þorlákur borðar ekki svoleiðis, og ekki vilja þau núðlusúpu… Svo var mamma að hringja og bjóða þeim í fisk til sín, en nei! Ég bara þori varla að spyrja þau hvort þau borði egg! Hvernig er hægt að vera svona miklir gikkir!! úff

Já, ég er semsagt að passa fyrir hann Sigmar frænda og þetta er EKKI eins auðvelt og ég hélt að það væri… Það er ekki það að þessi börn séu eitthvað rosalega erfið, þau bara krefjast of mikillar athygli og ég get ekkert lært, plús að ég kann ekki að elda og það sem ég kann að elda það vilja þau ekki borða… Konurnar í vinnunni höfðu áhyggjur af að ég væri að deyja í dag því ég leit út fyrir að vera svo þreytt… En sem betur fer er bara þessi nótt eftir og svo annað kvöld því þá kemur Ingibjörg frænka og tekur við. Ég ætla allavega ekki að eignast börn næstu árin takk fyrir!

Annars er lítið að frétta, er bara að vinna á fullu og læra og í skólanum, var að bæta við mig áfanga sem byrjar ekki fyrr en í lok október… Er búin að vera að pæla í að taka þetta á 3 árum í stað 4. Það verður að koma í ljós hvernig það mun ganga

Við Bergur fórum til Ásu og Ágústar að spila á síðasta laugardag, það var mjög gaman Sumir hefðu samt mátt slaka aðeins á í drykkjunni hehehe

Þetta er komið gott í dag, ætla að fara að reyna að koma e-u ofan í þessu blessuðu börn…

Bææææ

Já, þið lásuð rétt Ég er komin með skrifborð og stól og meira að segja prentara sem ég keypti mér til að prenta út glósur Þannig að núna get ég setið í rólegheitunum inní herbergi og lært og ekkert að trufla mig vúhúú

Ég ætlaði nefnilega að fara að læra upp í eldhúsi í gær afþví að ég verð svo þreytt ef ég sit upp í rúmi að læra… En viti menn, fylltist ekki bara húsið af gestum!! Sæa og Hjörtur komu með krakkana, svo birtist Steini bróðir með stelpurnar, hundinn sinn og hann Mikael Andra og svo komu Binni frændi og konan hans… Ekki það að það hafi ekki verið gaman að fá gesti en ég ætlaði mér að læra svo mikið um helgina Náði nú samt að gera eitthvað smá, sem betur fer :)  Á nefnilega að skila 12-14 bls. ritgerð eftir mánuð og annarri aðeins styttri nokkrum dögum seinna… Busy woman

Annars er afskaplega lítið að frétta… Ég er bara að vinna og læra og læra og læra.  Við fórum samt í bíltúr áðan, í IKEA, svo í heimsókn til foreldra Bergs og svo fengum við okkur gamlan ís í vesturbæjarísbúðinni, namm Gerðum samt þau mistök að fá okkur miðstærð þegar lítill hefði alveg dugað hehe

En ég læt þetta nægja í dag

Eigið þið góða daga

Jæja, ég er eitthvað rosalega slöpp við að skrifa hérna :S Reyni að bæta upp fyrir það með löngum færslum þó að ég viti vel að það er skemmtilegra að lesa þær stuttu

Skólinn byrjaði fyrir 2 vikum, þetta er eiginlega eins og að vera í venjulegum skóla fyrir utan að kennarinn sér mann ekki alltaf Ég á að skila nokkrum ritgerðum í október sem ég ætti að vera byrjuð á en ég á rosalega erfitt með að koma mér í að setjast niður og byrja eeen það hlýtur að koma bráðum

Ég kláraði átaksnámskeiðið fyrir viku og var þá búin að missa 2kg, 1kg af fitu og 9cm í mittismál og það bara á einum mánuði Næsta sumar verð ég í stærð 10, the secret sko

Á fimmtudaginn fékk ég ælupestina sem er að ganga, það var ömurlegt Þegar ég mætti í vinnuna á föstudaginn þá voru allir voða slappir, sumir búnir að vera veikir og aðrir líklega að fá pestina… og það voru bara 10 börn, sem var ágætt því við vorum bara hálfar manneskjur þann dag

Ágústmánuður er búinn að vera soldið erfiður í vinnunni, aðlögun í gangi og sona, kem dauðuppgefin heim eftir vinnu, það er kannski ástæðan fyrir að ég hef ekkert getað lært… en núna er þetta að verða búið og þá fer gráturinn vonandi að hætta og allir verða glaðir á leikskólanum

Í gær var ég með “saumaklúbb”, það var ótrúlega gaman Við vorum reyndar bara 4, ég,  Aldís, Solla og Ása mín með lillan sinn, þannig að við vorum eiginlega 5 hehe Ég ákvað að vera ekkert að hafa mikið fyrir þessu, keypti bara köku, nennti engan veginn að baka, og svo var ég bara með pinna-ávexti og grænmeti og ídýfu, very good Maður verður að vera duglegri við þetta, ótrúlegt hvað maður fær mikla útrás á að tala við stelpurnar

Jæja, ég ætla að reyna að byrja á heimanáminu

Heyrumst

Já ég er búin að vera þvílíkt löt upp á síðkastið! Er ekki einu sinni búin að vera að standa mig í ræktinni í heila viku :S

En í fréttum er semsagt að ég er byrjuð í skólanum, fór á nýnemadaga á Akureyri fyrir viku og var þar í 2 daga með Bergsa, fengum heavy nice íbúð rétt hjá skólanum þannig að ég gat labbað heim og sonna Hefði sko alveg verið til í að vera lengur, viku í minnsta lagi! Áttum að vísu íbúðina frammá föstudaginn en sá sorgaratburður átti sér stað að hún Hadda amma hans Bergs lést í vikunni áður en við fórum og ættingar hans voru svo yndislegir að hafa jarðarförina ekki á meðan nýnemadagarnir voru svo við gætum bæði komist Þannig að við lögðum af stað heim eftir skóla á fimmutudeginum, reyndar eftir að hafa leitað að ísbúðinni Brynju og fengið okkur ís og lagað bremsurnar í bílnum í 2 tíma og við komum loksins heim um 3 leitið (um nóttina sko!)

Svo var brúðkaup á laugardaginn, það var mjög gaman þrátt fyrir stutt stopp Til hamingju Agnar og Inga með stóra áfangann

Fram undan er svo bara skóli og vinna, mig dreymir um að fara til köben fyrir jól en það er ekki að fara að gerast á mínum launum En seinna bara

Eigið þið góða daga gott fólk

Hæhæ, þá er ég komin aftur eftir langa hvíld

Í síðustu viku fór ég með mömmu, pabba og Spurra í útilegu, gistum fyrst á Arnarstapa, það var ÆÐISLEGT þar!! Geggjað veður í alla staði, ég var á hlýrabol til kl 10 um kvöldið! Við fórum í langa göngu á kaffihúsið á hellnum (held ég að það heiti) Það var bara gaman

Daginn eftir keyrðum við á Grundarfjörð og hittum Sæu og co. þar Á föstudeginum komu svo Steini og co. og Snæi og Bergur þangað og við eyddum verslunarmannahelginni þar Það var rosa stuð þar, það var t.d. farið í svaka vatnsslag, það var ekki blautur blettur á mér eftir hann Svo var bingó, kakótime og mikið um sólbað

Á þriðjudaginn byrjaði ég í nýju vinnunni, það voru reyndar engin börn, þau fyrstu koma í aðlögun á mánudaginn En það var samt margt að gera, fara í búðir og versla ýmislegt, setja upp hillur ofl. Á fimmtudaginn fórum við í foreldraheimsóknir til nokkurra barna, það var æði og gaman að fá að sjá börnin á heimavelli áður en þau koma í skólann Í gær var svo opnunarhátíðin, þið hafið eftir vill séð mynd af mér í fréttablaðinu í gær hehe En ég er allavega rosalega ánægð með nýju vinnuna, þetta er frábær hópur og ég held að þetta verði bara ótrúlega gaman og lærdómsríkt

Já, ég er líka byrjuð á átaksnámskeiði og er markmiðið að missa 8kg !! Áfram Rebekka

Heyrumst

Jæja, þá er ég loksins komin í smá sumarfrí aftur Og ég er hætt í vinnunni minni og byrja í nýju vinnunni 5 ágúst Ég er ekkert smá spennt híhíhí

Ég er búin að vera að tjilla soldið með afa upp á síðkastið hehe Við förum saman uppí garð og á kaffihús og í búð og sonna Svo um daginn fórum við í gegnum gömlu fötin hennar ömmu og ég fann þar nokkra flotta kjóla, pils og eina blússu, hitt fór í rauða krossinn

Svo fór ég í bankann í síðustu viku og stofnaði reikning fyrir börnin mín, það er ekki mikið inni á honum ennþá en það verður vonandi eitthvað þar þegar þau verða stór, þ.e.a.s. ef að ég eignast einhvern tíman börn hehe En maður verður að hugsa fram í tímann, ekki satt?

Ég er að fara í útilegu með mömmu og pabba á morgun eða hinn Hef voða lítið að gera hérna í bænum þegar Bergur er að vinna, Ásthildur á sjó og Aldís í Svíþjóð, þannig að ég ég ákvað að skella mér bara með þeim og svo koma Snæi og Bergur á föstudaginn og hitta okkur

Ég gerði soldið fyndið í síðustu viku Ég hringdi loksins í stelpurnar sem áttu að vera með mér í bekk í skólanum… Við vorum 10 en það kom í ljós að það var engin nema ein búin að fá svar og 4 ákváðu að fara frekar í HÍ og þegar ég hringdi upp í háskóla þá var mér sagt að þær væru kannski bara ennþá á biðlista sem mér finnst soldið asnalegt því þær voru allar komnar inná nemendalistann minn Svo fór ég að tjékka á hverjar eru með mér í tímum og þá eru það akkurat þessar sem ætluðu frekar í HÍ og engar af hinum Ég vona bara að allar hinar komist inn líka

Ég ætla að njóta þess að vera heima hjá mér í kvöld og ætla núna að fara og láta renna í bað og slaka á

Eigið þið góða verslunarmannahelgi

Haha, á ég að segja ykkur… Fyrirtækið sem ég er að vinna hjá er sannarlega fjölskylduvænt fyrirtæki Fjármálastjórinn, sem byrjaði á sama tíma og ég hérna, lét reka bókarann í vetur og réði bestu vinkonu sína sem bókara, svo þegar ég hætti þá réði hún systur sína sem ritara og núna er sonur hennar byrjaður að vinna niðrí búð!! Alveg milljón! Bíð bara eftir að amma hennar verði verkstæðisformaður…

Ég á bara 3 og hálfan vinnudag eftir, því ég ætla sko að hætta á hádegi á föstudaginn Þá fer ég í fríííí Svo kemur verslunarmannahelgi, þá förum við í fjölskylduútilegu, það er reyndar ekki búið að ákveða hvert en það verður án efa geggjað

Úúú, ég fór í bíó á síðasta þriðjudag með mömmu, Sæu og Binnu, fórum að sjá Mama Mia Hún var vægast sagt geðveik!! Maður sat og dillaði sér og söng alla myndina, sérstaklega mamma sem lifði sig alveg inní þetta allt saman

Við sjáumst, eða heyrumst